打傷頸死撐 陳曉華處女開工唔錫身

作為前港姐冠軍兼國際中華小姐冠軍的陳曉華，入行短短一年備受力捧，成為無綫新一代小花。早前她處女下海拍攝無綫劇集《網絡騙案》，當中打戲連場，身為「白紙」一張的她毫不錫身，即使打到chok親頸仍堅持親身上陣，決要為演藝事業打響頭炮。

24歲的陳曉華由白衣天使搖身成為香港小姐，原來初衷只為改變內斂性格和接觸更多不同的人，故勇敢踏出一步參選港姐。曉華從小到大的願望都是成為一位出色的護士，惟畢業時想法有所改變：「一直好鍾意護理系，就算實習時都好投入呢份工作，但到畢業時，識咗好多新朋友，亦喺佢哋身上改變咗好多諗法，想改變自己內向性格，所以就去咗參選港姐，因為知道可以逼自己嘗試新嘢，亦希望喺呢個過程搵到新挑戰。」

入劇組大挑戰

昔日細膽和欠自信，如今卻要面對鏡頭，難怪她指入行這年性格變得外向，就連其父母也笑她「脫胎換骨」。早前曉華獻出「第一次」拍劇，佔戲甚重，亦不乏動作戲，作為新手的她曾一度受傷，惟她仍堅持繼續拍攝：「自己唔識就力，chok親條頸，幾日都硬咗郁唔到，最初嗰幾日係好痛，但之後見冇咁痛就繼續拍，依家諗番起都覺得自己唔識驚。」

白紙一張初入劇組，無疑是一大挑戰，曉華說：「以為做嘅事前工夫已經足夠，原來去到實戰完全不足。初頭好緊張，有時候一讀錯就會不停錯，令自己更加緊張，好彩劇中有好多前輩，佢哋體諒我呢個新人，又會教我點樣準備，唔係讀熟劇本就夠，仲要理解成個故事內容。」當中她大讚劇中拍檔楊明，視他為亦師亦友：「有一日等埋位，我問佢要點樣先令到個角色突出啲，佢同我講要準備好多嘢，同埋佢覺得依家我呢個階段係要以自然為主，睇熟劇本同留意多啲唔同劇，仲話有咩唔明可隨時問佢，嗰一刻好感動。」

由參賽到入行被觀眾稱她為氣質女神，感情事備受關注，她亦直言入行前有結婚的憧憬：「以前有諗過27或28歲結婚，入咗行後發覺好多嘢都想試，唔想咁快拍拖住，同埋拍劇真係好忙同需要花好多時間，想專心發展事業先。」

場地：天慶

[US]

Hurt the neck and hold on to death

Chen Xiaohua's virgin starts to work without tinsel

一見鍾情容易追！陳曉華密密「劈腿」唔湊仔

一見鍾情容易追！陳曉華密密「劈腿」唔湊仔

前港姐陳曉華（Hera）在新劇被男性背叛，自言現實生活中沒類似經歷，最多只是被謊話欺騙，對方請客賠罪就會釋懷，相當易氹。單身一段日子的她坦言青春有限，寧願填滿時間表，暫時不欲再闖情關。

挾港姐冠軍之名入行的陳曉華，憑乖乖女形象深得無綫歡心，兩年間不時擔任大騷表演嘉賓，日內亦將開拍第三部劇集《七公主》，工作量不少。猶記得Hera參選時在才藝表演大騷軟骨功，近日則苦練跆拳道！由於筋骨鬆軟，一般基本功對Hera來說簡直零難度，花了兩個月便考獲黃帶資格。受訪當日，她一輪熱身後就開始練踢腿，期間輕輕鬆鬆做出一字馬，笑言誓要考到黑帶！她自言從小運動細胞不輸蝕，求學時期是活躍份子，籃球、羽毛球及乒乓波都略懂一二，更是籃球校隊成員，負責在籃底位置入球得分，曾作賽捧獎而回，惟畢業後已沒有再打籃球。

難怪深得宅男歡心！

跟江嘉敏練身手

直至兩年前選美，她開始接觸空中瑜伽：「本身啲筋唔太鬆，係老師夾硬幫我拉鬆，當時做唔到一字馬，後來一星期拉三、四日，我同自己講一定要拉到，結果用咗一個月就成功，之後選華姐再接再厲，就易鬆好多，依家都有Keep住每日拉筋。跆拳道係之前拍劇識咗江嘉敏，知佢學開就跟佢上堂，其實我除咗筋鬆之外冇咩特別長處，加上手腳協調差，開頭好多連貫動作跟唔到，有時彈彈吓唔知做緊咩，上咗幾堂先開始上手。」

之前為咗拍劇去學跆拳道。

兩個月就考獲黃帶資格，好犀利！

柔軟度極高！

自認易氹唔難追

她透露在《七》劇被男性朋友背叛，由於未曾體會這些經歷，所以只能煲劇作參考：「我好少畀人背叛，就算有都係人哋講大話呃我，但只要對方請我食嘢，幾日時間就冇事。（咁咪好易追？）可以係，當然要自己鍾意對方先得，我係一見鍾情嗰隻㗎！（甩拖咁耐，唔想拍拖？）唔拍啦，太忙。雖然憧憬，但呢段時間唔想，尤其拍劇會忙到冇時間做任何嘢，連瞓覺時間都冇，邊有時間維繫？冇拖拍就唔使理另一半。（唔羨慕江嘉敏事業、愛情兩得意？）佢男友都好忙。睇人，我就想多時間學更多嘢，好似音樂、唱歌、打拳、跳舞，趁後生，乜都想試吓。」

感情方面，Hera自認係一見鍾情嗰隻。

仲話易氹唔難追，畀人呃嘅，一餐飯搞番掂！

[US]

Love at first sight is easy to chase!

Chen Xiaohua's secret "cheating"